Adimaly Twins Babies Death : അടിമാലി ഇരുമ്പുപാലത്തെ ഇരട്ടക്കുട്ടികളുടെ മരണം : തിന്നറല്ല, ഉള്ളിൽ ചെന്നത് മാരക കീടനാശിനി ? കുപ്പിയും തറയിലെ കൈപ്പാടും കണ്ടെത്തി; ചാനൽ ടുഡേ ന്യൂസ് എക്സ്ക്ലൂസീവ് | സെപ്റ്റംബർ 12, 2026
Adimali Irumpupalam Twins Poison Death
Adimaly Twins Babies Death
അടിമാലി ഇരട്ടക്കുട്ടികളുടെ മരണത്തിൽ നിർണായക വഴിത്തിരിവ്. വീട്ടിൽ കണ്ടെത്തിയത് ‘സെൽക്രോൺ’ വിഷം ? തറയിൽ കുഞ്ഞുങ്ങളുടെ കൈപ്പാട്. ചാനൽ ടുഡേ ന്യൂസ് ഇൻവെസ്റ്റിഗേഷൻ റിപ്പോർട്ട്.
അടിമാലി / ഇരുമ്പുപാലം: അടിമാലി ഇരുമ്പുപാലം ഒഴുവത്തടത്ത് ഒരു വയസ്സ് മാത്രം പ്രായമുള്ള ഇരട്ട സഹോദരങ്ങളായ ഇഹാനും റിഹാനും ദാരുണമായി മരണപ്പെട്ട സംഭവത്തിൽ നാടിനെ നടുക്കുന്ന നിർണായക വഴിത്തിരിവ്. കുഞ്ഞുങ്ങളുടെ ഉള്ളിൽ ചെന്നത് പെയിന്റിംഗിന് ഉപയോഗിക്കുന്ന തിന്നറാണെന്ന മാതാപിതാക്കളുടെ ആദ്യ വിശദീകരണം പൂർണ്ണമായും തെറ്റാണെന്ന് തെളിയിക്കുന്ന അതീവ നിർണായക തെളിവുകൾ ചാനൽ ടുഡേ ന്യൂസ് പുറത്തുവിടുന്നു. കുഞ്ഞുങ്ങളുടെ മരണത്തിനിടയാക്കിയത് തിന്നറല്ലെന്നും, മറിച്ച് വീടുകളിലും തോട്ടങ്ങളിലും ഉപയോഗിക്കുന്ന അതീവ മാരകമായ കാർഷിക കീടനാശിനിയായ ‘സെൽക്രോൺ’ (Celcron / सेलक्रॉन) ആണെന്നാണ് ഇപ്പോൾ പുറത്തു വരുന്ന വിവരം. Adimaly Twins Babies Death
ചാനൽ ടുഡേ ന്യൂസ് ഇൻവെസ്റ്റിഗേഷൻ സംഘം നടത്തിയ പ്രത്യേക അന്വേഷണത്തിലാണ് വീടിനുള്ളിലെ സ്ലാബിൽ അലക്ഷ്യമായി സൂക്ഷിച്ചിരുന്ന ഈ വിഷക്കുപ്പിയുടെയും തറയിൽ പരന്നൊഴുകിയ വിഷദ്രാവകത്തിന്റെയും തെളിവുകൾ പുറത്തുവന്നത്. കുട്ടികളുടെ ശരീരത്തിൽ കണ്ടെത്തിയത് സാധാരണ തിന്നറല്ലെന്നും മറിച്ച് വീര്യം കൂടിയ ഓർഗാനോഫോസ്ഫേറ്റ് വിഭാഗത്തിലെ കീടനാശിനിയാണെന്നും അടിമാലിയിലെ ആശുപത്രി അധികൃതർ തുടക്കത്തിൽ തന്നെ സംശയം പ്രകടിപ്പിച്ചിരുന്നു.. ചാനൽ ടുഡേ ന്യൂസ് പുറത്തുവിട്ട ഈ നിർണായക വിവരങ്ങൾ ഉന്നത പോലീസ് വൃത്തങ്ങളും ഇപ്പോൾ അനൗദ്യോഗികമായി ശരിവെച്ചിട്ടുണ്ട്.
ചാനൽ ടുഡേ ന്യൂസ് ക്യാമറയിൽ പതിഞ്ഞ തെളിവ്: പച്ച മെറ്റൽ കാൻ
കുട്ടികൾ അത്യാസന്ന നിലയിലായതിനെത്തുടർന്ന് പോലീസ് വീട് സീൽ ചെയ്യുന്നതിന് തൊട്ടുമുൻപുള്ള ദൃശ്യങ്ങളാണ് ചാനൽ ടുഡേ ന്യൂസിന് ലഭിച്ചത്. വീടിന്റെ അടുക്കളയോട് ചേർന്നുള്ള സ്ലാബിൽ കുടിവെള്ള കുപ്പികൾക്കൊപ്പം അലക്ഷ്യമായി തുറന്നുവെച്ച നിലയിലാണ് പച്ച നിറത്തിലുള്ള മെറ്റൽ കണ്ടെയ്നർ കണ്ടെത്തിയത്. ഈ ടിന്നിൽ ഹിന്ദിയിൽ ‘सेलक्रॉन’ (സെൽക്രോൺ) എന്ന് കൃത്യമായി രേഖപ്പെടുത്തിയിട്ടുണ്ട്. Adimaly Twins Babies Death
ഈ ടിന്നിൽ നിന്നും കടും പച്ചയും നീലയും കലർന്ന എണ്ണമയമുള്ള കൊഴുത്ത വിഷദ്രാവകം സ്ലാബിലൂടെ ഭിത്തി വഴി താഴേക്ക് ഒലിച്ചിറങ്ങി തറയിൽ തളംകെട്ടി കിടക്കുന്ന നിലയിലായിരുന്നു. എളുപ്പത്തിൽ കൈയെത്താവുന്ന ഉയരത്തിലുള്ള സ്ലാബിൽ നിന്നാണ് ഈ വിഷം താഴേക്ക് ഇറ്റുവീണത്.
അനുബന്ധ വാർത്തകൾ
തറയിൽ പരന്ന വിഷത്തിൽ പിഞ്ചുകുഞ്ഞുങ്ങളുടെ കൈപ്പാടുകൾ
സംഭവം നടക്കുമ്പോൾ വീട്ടിൽ വൈദ്യുതി ഉണ്ടായിരുന്നില്ലെന്നും കനത്ത ഇരുട്ടായിരുന്നുവെന്നുമാണ് പിതാവ് പോലീസിനോട് പറഞ്ഞിരുന്നത്. എന്നാൽ തറയിൽ പരന്നൊഴുകിയ ഈ കൊടുംവിഷത്തിൽ ഇരുട്ടിൽ ഇഴഞ്ഞുനടന്ന കുരുന്നുകളുടെ കുഞ്ഞു കൈപ്പത്തി പതിഞ്ഞ പാടുകൾ പരിശോധനയിൽ കണ്ടെത്തിയിട്ടുണ്ട്.
തറയിൽ വീണുകിടന്ന കൊഴുത്ത ദ്രാവകത്തിൽ കൈകൾ തൊട്ട കുഞ്ഞുങ്ങൾ, തുടർന്ന് ആ കൈകൾ വായിൽ വെക്കുകയോ വിരലുകൾ ചപ്പുകയോ ചെയ്തതിലൂടെയാണ് വിഷം ഞൊടിയിടയിൽ രക്തത്തിൽ കലർന്നതെന്നാണ് അന്വേഷണ സംഘത്തിന്റെ പ്രാഥമിക നിഗമനം.
എന്താണ് സെൽക്രോൺ? കുഞ്ഞുങ്ങളുടെ ശരീരത്തിൽ സംഭവിച്ചതെന്ത്?
കാർഷിക വിളകളിലെ ഇലതീനി പുഴുക്കളെയും ചിതലിനെയും നശിപ്പിക്കാൻ വ്യാപകമായി ഉപയോഗിക്കുന്ന ഓർഗാനോഫോസ്ഫേറ്റ് (Organophosphate) ഗണത്തിൽപ്പെട്ട കീടനാശിനിയാണ് സെൽക്രോൺ. പ്രൊഫെനോഫോസ് 50% ഇ.സി (Profenofos 50% EC) ആണ് ഇതിലെ പ്രധാന സജീവ രാസഘടകം. Adimaly Twins Babies Death
- നാഡീവ്യൂഹത്തെ തളർത്തുന്നു: മനുഷ്യശരീരത്തിലെ അസറ്റൈൽകോളിനെസ്റ്ററേസ് (Acetylcholinesterase) എൻസൈമിന്റെ പ്രവർത്തനം നിമിഷങ്ങൾക്കകം പൂർണ്ണമായി തടസ്സപ്പെടുത്തുന്ന ന്യൂറോടോക്സിക് സ്വഭാവമാണ് ഇതിനുള്ളത്.
- ശ്വസനതടസ്സവും മരണവും: ഈ രാസവസ്തു ഉള്ളിൽ ചെന്നാൽ ഉമിനീരും ശ്വാസകോശത്തിൽ കഫക്കെട്ടും നുരയും പതയും ക്രമാതീതമായി പെരുകുകയും ശ്വാസകോശ പേശികൾ സ്തംഭിക്കുകയും ചെയ്യും. കണ്ണിന്റെ കൃഷ്ണമണി അതിസൂക്ഷ്മമായി ചുരുങ്ങും (Pinpoint pupils).
- കുഞ്ഞുങ്ങളിലെ കാഠിന്യം: മുതിർന്നവർക്ക് പോലും മാരകമായ ഈ വിഷത്തിന്റെ ഏതാനും തുള്ളികൾ മാത്രം ഉള്ളിൽ ചെന്നാൽ മതി ഒരു വയസ്സുള്ള കുഞ്ഞുങ്ങളുടെ ആന്തരികാവയവങ്ങൾ പൂർണ്ണമായി നിശ്ചലമാകാൻ. അടിമാലിയിലെ ആശുപത്രിയിൽ കുട്ടികളെ എത്തിച്ചപ്പോൾ തന്നെ ഡോക്ടർമാർ സംശയം പ്രകടിപ്പിച്ചിരുന്നു .
പോലീസ് സ്ഥിരീകരണവും ഫോറൻസിക് പരിശോധനയും
മാതാപിതാക്കൾ തുടക്കത്തിൽ നൽകിയ മൊഴിയിൽ നിന്ന് വ്യത്യസ്തമായി, ചാനൽ ടുഡേ ന്യൂസ് പുറത്തുവിട്ട ‘സെൽക്രോൺ’ സാന്നിധ്യം കേസിന്റെ ദിശ പൂർണ്ണമായി മാറ്റിയിരിക്കുകയാണ്. വിഷം വീട്ടിൽ എങ്ങനെ വന്നു, ചിതൽ നശിപ്പിക്കാനായി അലക്ഷ്യമായി തുറന്നുവെച്ചതാണോ തുടങ്ങിയ കാര്യങ്ങളിൽ പോലീസ് വിശദമായ അന്വേഷണം നടത്തുന്നുണ്ട്. Adimaly Twins Babies Death
കുറച്ചു നാളുകളായി ദമ്പതികള്‍ ഈ വീട്ടില്‍ വാടകയ്ക്ക് താമസിച്ചു വരികയായിരുന്നു. ഇവിടെ മുന്‍പ് താമസിച്ചിരുന്നവര്‍ വാങ്ങിയ വിഷം മുറിയിലെ ബര്‍ത്തിനു മുകളില്‍ വച്ചിരുന്നതായിട്ടാണ് സംശയിക്കുന്നത്. കാലപ്പഴക്കം മൂലം ബോട്ടില്‍ ദ്രവിച്ചതാകാം കീടനാശിനി ചോരാന്‍ കാരണമായത്. ഇതേ വീട്ടിനുള്ളില്‍ 2020 -21 കാലഘട്ടത്തില്‍ ഒരാള്‍ ആത്മഹത്യ ചെയ്തിട്ടുണ്ട്. തൂങ്ങി മരണമായിരുന്നുവെന്നുമുള്ള റിപ്പോര്‍ട്ടുകളും പുറത്തു വരുന്നുണ്ട്.
ഇടുക്കി ഡിവൈഎസ്പി, അടിമാലി സര്‍ക്കിള്‍ ഇന്‍സ്‌പെക്ടര്‍, അടിമാലി സ്റ്റേഷന്‍ ഹൗസ് ഓഫീസര്‍ എന്നിവര്‍ക്ക് പുറമെ ഫോറന്‍സിക് വിഭാഗവും സംഭവസ്ഥലത്തുണ്ട്. ഇടുക്കിയിൽ നിന്നുമെത്തിയ ഫോറൻസിക്-വിരലടയാള വിദഗ്ദ്ധർ വീട്ടിലെ സ്ലാബിൽ നിന്നും തറയിൽ നിന്നും രാസദ്രാവകത്തിന്റെ സാമ്പിളുകൾ ശേഖരിച്ചു കഴിഞ്ഞു. കുട്ടികളുടെ മൃതദേഹം ഇൻക്വസ്റ്റ് നടപടികൾക്ക് ശേഷം ഇടുക്കി മെഡിക്കൽ കോളേജിലേക്ക് കൊണ്ടു പോയി. മൃതദേഹം ഇവിടെ സമഗ്ര പോസ്റ്റ്‌മോർട്ടത്തിന് വിധേയമാക്കും. ആന്തരികാവയവങ്ങളുടെ രാസപരിശോധനാ ഫലം കൂടി വരുന്നതോടെ ചാനൽ ടുഡേ ന്യൂസ് പുറത്തുവിട്ട ഈ ഞെട്ടിക്കുന്ന കണ്ടെത്തലുകൾക്ക് പൂർണ്ണ ഔദ്യോഗിക സ്ഥിരീകരണമാകും. അടിമാലിയിലെ ഈ വൻ ദുരന്തത്തിന്റെ തുടർവിവരങ്ങൾ ചാനൽ ടുഡേ ന്യൂസ് തത്സമയം ലഭ്യമാക്കുകയാണ്.
